طريقة عمل الفراخ المحشيه بالبصل المدخن في الفرن

الكمية تكفي: 4 أشخاصوقت التحضير: 10 دقائقوقت الطهي: 60 دقيقة المقادير: فرخه ملح وفلفل ورشة جنزبيل وحبهان
بصل مقطع جوانح
فحم
سمن
صوص الباربيكيو (اختيارى)
الطبخ: حنجيب فرخه و نغسلها و نتبلها بالملح و الفلفل و رشه جنزبيل و حبهان من جوه و بره (و علي فكره بتفرق في الطعم التتبيله دي )

و نقطع بصل كتير جوانح

و نكون مولعين فحمه علي النار

نحط البصل في طبق و نولع الفحمه في فويل و عليها شويه سمن و نغطيها و نسيبها عشر دقايق
حنتبل البصل بقي ده بالملح و الفلفل و البهارات و الجنزبيل و الحبهان و كل اللي نفسك فيه حتلاقيه

ده بعد دعك البصل كويس لحد ما يدبل بالبهارات و حشيته جوه الفرخه و بين الجلد
و دهنتها بصوص الباربيكيو و ده اختياري بس طعمه بيبقي رائع في المشويات
و حطيتها في كيس الفرن و علي الفرن عدل
و ده بعد ما طلعت المحروسه و صورتها جنب علم مصر بتاع ولادي علشان تبقي علامه مميزه

وبالف هنا وشفا