طريقة عمل حمام محشى وبطه وطبق محشى

الكمية تكفي: 4 أشخاصوقت التحضير: 20 دقيقةوقت الطهي: 60 دقيقة المقادير: للحمام المحشى فريك بصلتين مقطعين فريك كبد وقوانص مقطعه
بهار لحمه-بهار فراخ-كارى-ملح-فلفل للحمام المحشى رز
رز مغسول بهار فراخ-بهار محشى-فلفل اسود وملح-كارى-نعناع
الطبخ: بالنسبه للحمام المحشى فريك

ننقع الفريك فى مايه سخنه شويه
وبعد كده بجيب بصله كبيرة أو بصلتين وأقطعهم مكعبات مش بالمبشره لأ

وأشوحهم شويه بقليل من السمن لما لونها يبقى دهبى

ثم أضيف عليهم الكبد والقوانص بعد تقطعيهم قطع

صغيرة وأضيف عليهم بهار لحمه وبهار فراخ وكارى وفلفل وملح وأسيبهم شويه على نار هاديه لغاية لما ميه

البصل تنشف شويه وأضيف عليهم الفريك بعد تصفيته من

الميه وأشوحهم مع بعض وأسيبهم على نار هايه شويه لغايه لما أحس الفريك بدأ يستوى

بعدها نبتدى نحشى الحمام بعد ما يبرد شويه

بالنسبه للحمام المحشى رز
بجيب الرز بعد غسلة طبعا وببشر بصل عليه وبهارات (بهار فراخ_ وبهار محشى _ وفلفل أسود وملح_وشوية نعناع بيعطى له نكهه جميلة_ وشوية كارى)
وبخلطهم على بعض
بعد كدة بجيب الحمام بعد غسلة بالدقيق والملح
وعلشان هنحشى الحمام بنخلى مابين اللحم والجلد
وبعد كده بحشية عادى سواء بالفريك أو بالرز
وبقفل الرقبه بخله أو بخيطها وكمان بقفله من تحت بنفس الطريقةوبسخن المية وأحط فيها واحدة طماطم وبعدين بحط الحمام على وشه يعنى صدر الحمام بيبقى لتحت
ومجرد مايغلى بتهدى النار علشان مايفرقعش منك
وتضيفى البهار مستكة حبهان لورى ملح وشوية فلفل
وخلى بالك بصى علية كل شوية
بالنسبة للبط بشوحها بملعقة سمنه وشوية كارى لمده دقايق وبعدين بضيف عليها المية بس تكون قليلة
وكل ماتحسى أنها بتقل زودى شوية صدقينى بتبقى جميلة جداااااااااااا وكمان الشوربة بتبقى مركزة وتحفه
وبعد ماتستوى بدخلها الفرن تتحمر بدون أى اضافات

وبالف هنا وشفا